विदुर – स्थानीय तहको निर्वाचनमा नुवाकोटका दुई दलित महिला उम्मेदवार निर्विरोध निर्वाचित भएका छन्। निर्वाचन आयोगले एउटा मात्रै उम्मेदवारी परेका स्थानमा निर्विरोध निर्वाचित भएको घोषणा गरेको हो ।
आयोगका अनुसार दलित महिला सदस्यका उम्मेदवार द्वय बेलकोटगढी नगरपालिकाको वडा नम्बर १ का ६२ वर्षीया ठुली कान्छी नेपाली र म्यागङ गाउँपालिकाको वडा नम्बर ६ की २८ वर्षिया कमला विश्वकर्मा निर्विरोध निर्वाचित भएकी हुन् ।
नेपालीले नेपाल कम्युनिष्ट पार्टी (एकीकृत समाजबादी) र विश्वकर्माले नेपाली काँग्रेसबाट उम्मेदवारी दिएकी थिईन्।
निर्वाचन आयोगका अनुसार हालसम्म देशभरबाट नुवाकोटका दुई उम्मेदवारसहित ३९० जना उम्मेदवार निर्विरोध निर्वाचित भएका छन्।
लेखकको बारेमा
प्रतिक्रिया