नुवाकोट – चौतर्फी आलोचनापछि विदुर नगरपालिकाले वितरण गरिएको अनुदान रकम हरिबहादुर तामाङले फिर्ता गरेका छन् ।
शनिबार तामाङले एक विज्ञप्तिमार्फत् आफु अन्जानमा उक्त अनुदान कार्यक्रम सहभागि भइ ४१ हजार रुपैयाँ रकम बुझेकोमा आज विदुर नगरपालिकाको वैदेशिक रोजगार केन्द्रको बैंक खातामा जम्मा गरिएको जनाएको छ ।
तामाङले गत स्थानीय निर्वाचन २०७९ मा जनता समाजवादी पार्टी नेपालको तर्फबाट निर्वाचनमा रसुवाको कालिका गाउँपालिका-४ बाट वडासदस्यको लागि उम्मेदवारी दिएका थिए । उनले निर्वाचनमा १०० मत प्राप्त गरेका थिए ।
गत असार २८ गते विदुर नगरपालिकाले वैदेशिक रोजगारबाट फर्केका ३३ उद्यमशिल युवाहरुलाई पुनः एकीकरण कार्यक्रम अन्तर्गत १३ लाख ५३ हजार रकम अनुदान प्रदान गरेको थियो ।
वैदेशिक रोजगारबाट फर्केका व्यक्तिहरुको लागि उद्यमशील प्रवर्द्धन गर्नका लागि नगरप्रमुख राजन श्रेष्ठले नगरका ३३ युवाहरुलाई ४१ हजार रुपैयाँको दरले नगद रुपैयाँ अनुदान वितरण गरेका थिए ।
लेखकको बारेमा
प्रतिक्रिया